Meaning em wanem kain tok stret?

From: Jack Steven 


Wanpela miting bin kamap long wanpela ples na man husait igo pass long miting ino gutpela tumas long kamap siaman. Em iwok long tok hap pidgin na english na planti man long dispela ples ibin faul tru. Wanpela hap tok em isave tok em meaning. Em iwok long usim dispela hap tok na wanpela papa em harim igo na em faul olgeta na em askim siaman. Siaman, dispela hap tok meaning em wanem kain tok stret, siaman bekim olsem meaning long tok pisin em as bilong tok. Orait miting igo yet na paps pilim olsem em sindaun igo na mit blong bun as bilong em pen na em i laik sanap liklik. Em kirap tasol na singaut long siaman olsem, siaman meaning bilong mi pen an mi laik sanap liklik na go raun autsaid na bihain mi kam bek long miting. Ha aha ha ha ha