From: Martin Maden
Papa na pikinini tupela i laik igo toromoi huk long painim pis. Tupela i wok long redim kanu i stap na Papa i tokim pikinini: "Yumi tupela pasim ai na yumi pre pastem bifo yumi go antap long solwara". Papa i pre: "Got Papa, mitupela pikinini i laik go hukim pis. Mitupela i pre olsem bai you givim planti pis long mitupela. Sapos yu givim planti pis long mitupela, bai mitupela givim ol bikpela pis long yu na ol liklik tasol bai mitupela karim igo long peles".
Taim tupela i go antap long solwara nau, man, tupela ino isi long pulim pis. Taim kanu i pulap liklik nau em tupela i pul igo bek sua. Tupela i klinim ol pis pinis, na putim ol igo long basket na tupela i stat wokabaut igo long haus nau. Tasol pikinini i tingim pre blong papa na em askim: "Papa, na yu tok taim yu pre olsem ol bikpela pis bai yumi tupela givim long Got ya? Papa i tok: "Sssh. Pasim maus, mi bin giamanim Got tasol ya".
No comments:
Post a Comment