Monday, 11 July 2011

Papa i sotwin long painim ston

 From:  Martin Maden  

Dispela tok pilai, mi bin putim em pinis igo insait long wanpela piksa oli kolim "Tinpis Run". Long "Tinpis Run" mi bin tanmi liklik gen na mi bin katim aut sampela hap. Tasol dispela long tamblo long hia em original. Stori ikam long Manus. Mi bin harim long 1983..
--------------


Papa, i bin lusim pikinini long haus na em laik hait stil igo giris wantem narapela meri ken long gaden. Yu save, Papa em i bin pasim tingting pinis long paul wokabaut blong em yet, na em ino luksave olsem pikinini man blong em i bin tait ikam bihainim em long baksait istap.
Baga i taitim bun igo stret, na emi go kamap long arere long gaden blong ol lain gel pren blong em. Tasol planti lain i bin stap insait long gaden na baga man nau, em hait baksait long wanpela tapiok stap na lukluk tasol igo long gel pren.
Tasol gel pren tu ya blari sit, em ino lukluk ikam long tapiok blong em. Em bisi nambaut tasol long kamautim garas arere long ol taro. Olsem na man, papa ya em tait igo bagarap olgeta nau. Yu save em lukim hau gel pren i wok long kamautim ol garas na emi kisim filings. Leva blong em tu i ron hariap liklik na wei em i pulim win nau, man, kolostu em bai kamautim ol lip bilong tapiok tu ya.
Orait nau em stat long painim ol liklik ston nambaut blong toromoi igo long gel pren blong em. Tasol papa tu em olsem feelings bagarpim em na em ino toromoi ol ston steret. Em wok long popaia nambaut na ston igo pinis nau. Orait em lukluk strong yet long meri na em i putim han tasol ikam long baksait na painim ston nambaut igo ikam.


Man turangu, em kirap nogut steret taim pikinini man blong em yet i tok: "Papa em ya. Sampela mo ston ya. Sutim em." Ayo...

1 comment:

  1. brada u laip saver ya..mi holim bel..dei lo lap

    ReplyDelete